დასავლეთ საქართველოს აგრომადნების გამოყენება სოფლის მეურნეობაში
საკვანძო სიტყვები:
საკვები ელემენტები, მინერალური სასუქები, აგრომადნებიანოტაცია
უკანასკნელ წლებში საქართველოს ნიადაგების ნაყოფიერების დაცემამ ინტენსიური ხასიათი მიიღო. ადგილი აქვს ნიადაგების დეგრადაციას და საკვები ელემენტებით გაღარიბებას. განსაკუთრებით დიდია ჰუმუსის დეფიციტი. მისი შემცირება თითქმის ყველა ტიპის ნიადაგში აღინიშნება. ეს პროცესი განსაკუთრებით ინტენსიურად დასავლეთ საქართველოს ნიადაგებში მიმდინარეობს. გასათვალისწინებელია ის, რომ ჰუმუსის დაშლის პროცესი ბუნებაში უფრო სწრაფად მიმდინარეობს, ხოლო მისი თუნდაც 0,5%-ით მოატებას საუკუნეც არ ყოფნის. აქედან ნათლად ჩანს თუ რა საფრთხის წინაშე დგას საქართველოს ნიადაგური საფარის ნაყოფიერება და რა სერიოზულ ყურადღებას მოითხოვს იგი. მთელი ფართობის თითქმის 70-80% როგორც მიკრო, ასევე მაკროელემენტებით აშკარა შიმშილს განიცდის. ეს უარყოფითი პროცესი უფრო ინტენსიურად მიმდინარეობს დასავლეთ საქართველოში და განსაკუთრებით კოლხეთის დაბლობზე, რასაც კლიმატური პირობები და ნიადაგური ტიპების თავისებურებანი განაპირობებს. ერთ-ერთი დიდი რეზერვი ნიადაგების ფიზიკურ-ქიმიური თვისებების და სტრუქტურის გასაუმჯობესებლად ადგილობრივი აგრონედლეულების გამოყენებაა, რომელთა მოპოვება, გადამუშავება და სოფლის მეურნეობის სამსახურში ჩაყენება გაცილებით უფრო რეალური და ეკონომიურია, ვიდრე ქვეყნის ფარგლებს გარედან მინერალური სასუქებისა და სხვადასხვა ქიმიური პროდუქტების შემოტანა და გამოყენება.
წყაროები
1. T. Urushadze. Agro-pedology. Tbilisi, 2020.
2. Ts. Zhorzholiani, E. Gordadze. Nature Protection and Rational Use of Natural Resources. Kutaisi, 2010.
3. R. Lortkipanidze, N. Kelenjeridze. Ameliorative Technologies of Agrolandscapes. Kutaisi, 2015.
4. T. Urushadze, L. Machavariani. Practicum in Pedology. Tbilisi University Press, 2011.
5. R. Lortkipanidze. Use of Natural Resources. Kutaisi, Ak. Tsereteli State University Press, 2015.
6. N. Avalishvili. Geology with Fundamentals of Pedology. Kutaisi, 2015.
7. Nature of Georgia. Tbilisi, Palitra Publishing House, 2013.
